Gotzon Garateren omenez antolatutako ekitaldi-sorta (Ikusi PDFa) ekuadorrera ailegatu da. Batzuk, dagoeneko, egin dira: Elgoibarko herriak urriaren 8an eskaini zion herri-omenaldia edo Gotzonen lanekin osatutako erakusketa kasu. Ailegatzear daude beste batzuk: Gotzoni eskainitako hitzaldi zikloa urriaren 21ean hasiko da eta, azaroaren 11n, Xabier Amuriza eta Jon Maiak bertsolarien prestatu ikuskizun berezia. BARREN astekariaren aste honetako aleak, berriz, euskaltzale elgoibartarrari eskainitako zortzi orritako gehigarri berezia dakar (ikusi hemen). Goiko bideoan, bertan egon edo Internetez zuzenean jarraitzeko aukerarik izan ez zenutenontzat, Gotzoni eskainitako herri-omenaldia ikus dezakezue oso-osorik, Aitor Lauzirikaren lan apartari esker.

• Gotzon Garateren omenezko hitzaldi zikloa urriaren 21ean hasiko da
• Gotzon hobeto ezagutzeko bidaia (Miel Anjel Elustondoren hitzaldi-irakurketako BIDEOA)
• Zalantza artean igerian (Juan Martin Elexpururen hitzaldiko KRONIKA eta BIDEOA)
• Ez goaz norabide zuzenean (Jon Sarasuaren hitzaldiaren laburpena eta BIDEOA)
• "Mende baten aldarria" (Jon Maia eta Xabier Amurizaren bertso-ikuskizuneko kronika eta BIDEOA)
  
• Gotzonen lanen erakusketa eta kantu kalejira arrakastatsuak
  
• Gotzon Garate Udal Liburutegia
• Elgoibartarrok Gotzon Garate akorduan daukagulako (herri-omenaldiko kronika eta BIDEOAK)
• ELKARRIZKETA: Hasier Etxeberriak Gotzon Garateri eginiko elkarrizketa Jakin aldizkarian
  
  

•BIDEOAK:

•Gotzon akorduan daukagulako.
Gotzon Garateri buruz berba egiten dute bide honetan honako hauek: AEK-ko Amaia Larrañagak, Benantzio Otaegi parrokoak, Juan Luis Mugertza eta Jasone Osoro idazleek, Maider Etxanizek, Iñaki Odriozolak, Errazu bertso-eskolako kideek, Ana Artetxek, Joseba Kondek, Maritxu Loiolak eta Itziar Ajuriak.

•Bizitza bat argazkitan
Gotzon Garateren bizitzako makina bat argazki eta berak esandako hainbat berba esanguratsu batzen ditu beheko bideo honek.

•Miel Anjel Elustondoren hitzaldi-irakurketa

Gotzon Garateren gaineko hitzaldi-irakurketa egin zuen Miel Anjel Elustondo idazle eta argazkilariak Kultur Etxean.

 

 

---

Notizi honen berri emateko