Gurean Bai I. Pintxo Lehiaketako Pintxo onenaren saria Paulaner Txarriduna jatetxeak aurkeztutako Tinbala pintxoak eskuratu du. Herritarren Saria, berriz, Gabi jatetxeko Ikurriña pintxoarentzat izan da. Eguerdian egin dute sari banaketa ekitaldia eta bi pintxo sarituen dastatze publikoa egin dute gero arkupeetan, doan. Pintxo denak bukatu dira, noski. (argazkiak dauzka)

• Arrakastak irentsi du estreinako Pintxo Lehiaketa  

•Saria Mari Karmen Alberdirentzat 

 Pintxoak jan ondoren balorazio txartelak bete zituzten herritar guztien artean eginiko zozketa ere egin dute, eta, bertan, Mari Karmen Alberdi Arriolak irabazi du saria: Belaustegi jatetxean bi lagunentzako dastatze menua.

•Eskerrak eta barkamenak 

Egileak 'Tinbala' eta 'Ikurriña' pintxo irabazleekin.

  Antolatzaileek eskerrak emateko probestu dute sari banaketa ekitaldia. Pintxoak janez ekimen honetan parte hartu duten herritarrak, lehian parte hartu duten ostalariak eta epaimahaikideak eskertu nahi izan dituzte, besteak beste, estreinako Gurean Bai Pintxo Lehiaketa aurrera ateratzen eskainitako laguntzagatik. Antolatzaileen izenean barkamenak ere eskatu ditu Gurean Bai Hitzarmeneko teknikari, Amaia Lasagabasterrek: "Aurreikuspenetan huts egin genuen, ez genuen horrenbeste jende espero, batez ere barixakuan. Lagun asko pintxoak probatu gabe geratu izanaren pena daukagu". Dena dela, lehen esperientzia honen balorazioa ona dela nabarmendu du, "merezi izan du sortu zen giroagatik bakarrik". Egindako akatsetatik ikasi eta hurrengoa antolatzerakoan aintzat hartuko dituztela hitz eman du. 

 

•Argazkiak:

Irabazleak eta parte hartzaileetariko batzuk antolatzaile eta epaileekin.	Imanol Urain irabazlea Josu Mugerza epaimahaikidearekin.
Gabi jaetxeko Carlos eta Eneritz 'Ikurriña' pintxoa prestatzen.	Imanol Urain 'Tinbala' pintxoa prestatzen udaletxeko arkupeetan.

 

 

 

  

---

Notizi honen berri emateko