| San Pedro jaiak ospatzen dihardute Idotorben |
|
|
|
| elgoiBARREN.net | ||||||||||||||||||||||||||||||||||||||||||||||||||||||||||||||||||||||||||||||||||||||||||
| 2009-06-29 14:20 | ||||||||||||||||||||||||||||||||||||||||||||||||||||||||||||||||||||||||||||||||||||||||||
 Harrijasotzaileek erakustaldia egin zuten domekan.
San Pedro Eguna da gaur, egun handia Idotorbe auzoko bizilagunentzat.
Asteburuan hasi zituzten sainduaren omenez antolatutako festak (ikus hemen) eta gaur
izango dute jarraipena eta amaiera. Motokros proba, bolo txapelketa,
idi-demak eta herri kirolak moduko ohiko ekintzez gain, estreinakoz
antolatu duten San Pedroko I. Antxintxika Igoera izan da aurtengo
nobedade nagusia. Aguraingo Cesar Sanzek irabazi zuen proba. (argazkiak dauzka)
•Cesar Sanz arabarra nagusi antxintxika Igoeran Aguraingo Cesar Sanz izan da San Pedroko I. Igoerako estreinako irabazlea. Arabarrak 16 minutu eta 55 segundo behar izan zituen Santa Klara auzotik San Pedro gainera dauden 3,8 kilometroak antxintxika egiteko. Mikel Albeniz donostiarra eta Unai Bengoa itziartarrekin lehia bizia eduki zuen Sanzek igoera guztian, baina azken metroetara indartsuago ailegatu zen eta atzean laga zituen beste biak. Lehen elgoibartarra, bi egun lehenago, barixakuan, Nahaste Borrasteren 25. edizioa irabazi zuen David Conde izan zen eta honen atzetik sailkatu zen Asier Arrieta. Osel Sanchez gazte elgoibartarrak lortu zuen seigarren postua ere aipagarria da. Egin zituzten denborak ere nabarmentzeko modukoak dira, ia bizikleta gainean bezain bizkor igo daitezkeela erakutsi baitzuten antxintxikariek. Urriaren 12an egiten den San Pedrora txirrindulari igoeran, esaterako, 13 minutu eta 21 segundokoa da orain arteko errekorra, Iñigo Larizek ezarria. Lehenengoz antolatu den lasterketa honetan 25 lagun bildu ziren, 3 emakume tartean. Ainhoa Lendinez izan zen lehen emakumezkoa, sailkapen nagusiko 14. postuan. •Sailkapena
•ARGAZKIAK (I. San Pedroko igoera)
Notizi honen berri emateko         
|
||||||||||||||||||||||||||||||||||||||||||||||||||||||||||||||||||||||||||||||||||||||||||
| < Aurrekoa | Hurrengoa > |
|---|
