Herriko hamar ostalarik Gurean Bai I. Pintxo Lehiaketarako espresuki sortu dituzten hamar pintxoekin dastamena, eta gainerako zentzumen guztiak, gozatzeko aukera izango dute datorren asteburuan, ekainaren 26tik 27ra, Elgoibarren tabernaz taberna ibiltzea erabakitzen dutenek. Eta, pintxo guzti hauek, lehiaketak irauten duen bitartean, salmenta-prezio bakarra izango dute: 1 €.

Elgoibarko establezimenduak eta euskara sustatzeko sortu den lehiaketan epaimahaiak aukeratuko du pintxo onena, baina herritarren saria ere egongo da. (Pintxo guztien argazkiak dauzka)

Noiz: Datorren ekainaren 26 eta 27an GUREAN BAI I. Pintxo Lehiaketa egingo da Elgoibarren, barixakuan 19:00etatik 22:00era eta zapatuan 11:30etatik 14:30era.

Nork: Ostalaritzan euskara sustatzeko GUREAN BAI-ostalaritza proiektuak antolatu du, Elgoibarko Udaleko Euskara eta Merkataritza sailen laguntzaz.

•Bi sari banatuko dira:

• 
  Pintxo onenaren saria. Pintxo hau 5 kidez osatutako epaimahaiak aukeratuko du. Kide bakoitzak pintxoa bere osotasunean baloratuko du honakoak kontuan hartuta: pintxoaren itxura eta aurkezpena; zaporea eta testura; eta originaltasuna.
• Herritarren saria. Pintxoa euro baten truke probatzen duten herritarrek, taberna horretako pintxoa baloratzeko aukera izango dute. Horretarako, ostalariek balorazio-txartel bat pintxoko banatuko dute. Pintxo guztien balorazioak aztertu ondoren sari hau zeinek eskuratuko duen jakingo dugu. Balorazioa ematen dutenak, bi lagunentzako dastatze menu baten zozketan parte hartuko dute.

•10 pintxoak
Herriko 10 ostalaritza establezimenduk parte hartuko dute lehiaketan (*pintxo guzti hauek, lehiaketak irauten duen bitartean, salmenta-prezio bakarra izango dute: 1 €)
Informazio gehiago: Elgoibarko Izarra Kultur Elkartean. Amaia Lasagabaster Gurean Bai Hitzarmeneko teknikariaren e-posta: E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu.

Ametsa (Ametsa kafetegia). Osagaiak: Foie-grasa, onddoak, sagar-kroketa eta ogi txingortua.	Tenpura (Lojantzi Kafetegia). Osagaiak: Kalabazina, azenarioa, tipula, piperra eta mugurdi-saltsa.
Gautxitoa (El Gautxo taberna). Osagaiak: Bakailaoa, tomate sikuak, soja ozpin olioa eta berakatz-ogia.	Tsunamia (Madigan's irish pub). Osagaiak: Piper berdea, hirugiharra, tipula erdi-egosia, hostoarea eta ahate-mousse saltsa.
Ikurriña (Gabi jatetxea). Osagaiak: Bakailaoa, piper gorria eta piper berdea.	Piper sorpresa (Iturri taberna). Osagaiak: Piper berdea, arrautza eta patata.
Tinbala (Paulaner Txarriduna jatetxea). Osagaiak: Kalabazina, bakailaoa, patata eta tipula karameluan.	Lehoi begetala (King-Kong kafetegia). Osagaiak: Leongo zezina, eruka, Idiazabal gazta, gazta parmesanoa eta mahaspasak.
Ortutxo (Lanbroa kafetegia). Osagaiak: Kalabazina, tipula, piper berdea eta hirugiharra.	Kapritxoa (Salento taberna). Osagaiak: Ogitxoa, mozarella, tomate naturala, urdaiazpikoa eta trufa-krema.

 

 

 

---

Notizi honen berri emateko