Apustu ezberdinak egin izan baditugu ere, oraingo honetan Elgoibarko botoekin egitea erabaki genuen, Iniziatiba Internazionalistak 800 boto baietz/ezetz. Gu bai soziologoak! Hauteskundez hauteskunde inkesten beharrik gabe sumatzeraino herrikoen bozka intentzioa...

Gaur goizean elgoibarren.net honetan emaitza ikustean, mezu bat bidali diot lagunari, 769 botorekin irabazle aitortuko ninduelakoan, baina bai zera, harrituta erantzun dit, bart 823 edo zirela, eta aktetan ere hala jaso zutelakoan zegoela.

Gerora berriak prentsara egin du jauzi eta Elgoibarren ezezik, auzoetan ere beste horrenbeste jazo da. Inpugnazioak izango dira bai eta dena delako ebazpenak ere, baina zerbaitek diost apustu hau garbi jokatzera galdua beharko nukeela.

Baina noiz ikusi duzue apustularia justiziaren izenean amore ematen, are gehiago Rubalcabaren bermea alde izanda. Zertan hasi eskua zabaltzen. Lehenbailehen kobratu eta kito! Tourreko porretan ere, ez dira kontuan hartzen positibo berantiarrak.

Kontu hau lagunarteko apustu soil bat baino ez balitz...

• Ikus hemen: Asier Etxanizen testu guztiak 

---

Notizi honen berri emateko