Zuen baimenarekin, Gabonetako oporrak hartu behar ditugu urtarrilaren 3ra arte. Baina oporretan egon arren, Gabonetako bi ekintza esanguratsuenen segimendua egingo dugu. Hala, abenduaren 24an Olentzeroren berri emango dizuegu. Hilaren 30ean, berriz, Gabon Zahar Feriako erretratuak erakutsiko dizkizuegu. Gainera, FOROAK atala ere prestatu dugu nahi duzuenok zuen iritziak eman ditzazuen. Eta gaztetxook animatu nahi zaituztegu, batez ere. Esan bezala, urtarrilaren 3an bueltatuko gara eguneroko lanera. Besterik gabe, GABON ZORIONTSUAK izan ditzazuela eta URTE BERRI ON DENOI!

Olentzero

Abenduaren 24an Olentzerorekin batera irtengo gara kalera. Goizean Atxutxiamakak antolatutako Olentzerorekin batera ibiliko gara. Aterako dizkiogu erretratu mordo bat zuei erakusteko.

Gabon Zaharretako Feria

Egun handia izaten da urteko azken zapatua Elgoibarren. Eta handia denez, gure kamara hartu eta kalean gora eta behera ibiliko gara egun honen onena jasotzeko asmoarekin. Jaso eta gero zuei erakusteko desioarekin.                                    

---

Notizi honen berri emateko