Demaseko euri jasaren azpian jardun zuten Etxegina Taldekoak Santa Agedaren omenez kopla
kantari zapatuan, mela-mela eginda, baina umorerik
galdu gabe. (Bideoa eta argazkiak dauzka).
Aterkia ezin gainetik kenduta ibili ziren goiz guztian Etxegina taldekoak.
Etxe-barruan, epeletan, egoteko giro hobea egiten zuen arren, makina bat elgoibartar elkartu ziren zapatu goizean bolatokian, makilak eskuan zituztela, ohitura zaharra berritzeko asmoz. Euriak apenas laga zien ater unerik Etxegiña Taldeko kideei, baina ez zituen atzera bota. Aterkia esku batean eta makilan bestean, kalez kale jardun zuten, kaleak girotzeko ahaleginean etsi gabe.
Errosario kalean amaitu zuten eskea, Ama Birjiñaren aurrean salbea abestuz. Gero, Baltasar elkartean bazkaldu zuten. Batutako dirua Caritasentzat izango da.
Ikus hemen: Santa Ageda Bezperan Elgoibarko Izarrako taldeek baserriz baserri egin zuten Santa Eskeko bideoa eta argazkiak
