|
Gaztelekuko eta ludotekako lanak udaberrirako amaituko dituzte |
|
|
|
|
elgoibarren.net
|
|
2006-12-19 08:40 |
Aikia S.L. enpresak lau hilabete eta erdiko epea eta 372.205,72 euroko aurrekontua izango du gaztelekua eta ludoteka egongo diren lokalen egokitzapen lanak amaitzeko. Gabriel Krutzelaegi kaleko Babes Ofizialeko Etxeen behealdean kokatuta egongo dira haur eta gaztetxoei zuzenduriko bi zerbitzuok.
Aikia S.L enpresak irabazi zuen gaztelekuko eta ludoteka izango diren lokalak egokitzeko Udalak atera zuen lehiaketa irekia. Lanak amaitzeko lau hilabete eta erdiko epea izango duenez, udaberrirako obra guztiak amaituta egon beharko dira. Gaztelekua eta ludoteka, Euskararen Erabilera Sustatzeko 2003-2006 Plan Estrategikoaren baitan kokatzen dira bi proiektu hauek.
Gaztelekua:
• Norentzat: 12 eta 16 urte bitarteko gazteentzako aisialdiko ekintzak eskainiko ditu gaztelekuak
• Gaztelekuaren banaketa: Gela balioanitza, tailerra, sukaldea, hezitzailearen gela, mahai jokoen txokoa, biltegia, ikus-entzunezkoen gela eta ordenagailuen gela izango ditu.
• Hedadura: 160 m² erabilgarri izango ditu.
Ludoteka:
• Norentzat: 8 eta 12 urte bitarteko haurrei zuzendua. Gehienez 73 pertsonentzako lekua izango du, aldi berean.
• Ludotekaren banaketa: psikomotrizitate gela, jolas gela, Antzerki txokoa, eraikuntzarako gela, irakaslearen gela eta irakurketa gela izango ditu.
• Hedadura: 160 m² erabilgarri izango ditu.
 Ludotekaren planoa |
 Gaztelekuaren irudi birtuala |
|
Berri ona!
Mikel 2006-12-19 11:42:56
Berri ona degu hemen azaltzen dezuena, Elgoibarko herriak behar zituen horrelako zerbitzuak eta instalakuntzak martxan ipintzea, eta aurrera badoala dirudi. Zorionak hau aurrera ateratzen badezue. | 8 urte baino txikiagoentzat ....
ama bat 2006-12-19 11:57:37
Norbaitek daki ea asmorik dagoen 8 urte baino txikiagoak diren umeentzat zerbait antolatzeko? | LUDOTEKA
Maialen ( Gazteria teknikaria 2006-12-26 09:47:07
Ludoteka, 5 etik 12 urte bitarteko haurrei zuzenduriko baliabidea da. |
Komentarioak egiteko izena eman behar duzu. Sartu hemen
|
