|
Emakume batek parte hartuko du Nazioarteko Xake Txapelketan |
|
|
|
|
elgoibarren.net
|
|
2006-12-11 12:20 |
Tatiana Kononenko ukraniarra izango da XVI.
Elgoibarko Nazioarteko Xake Txapelketako nobedade nagusia. 1993an Malina Nicoara frantziarrak parte hartu zuenetik ez da gehiago emakumerik izan Elgoibarko Torneoan. Gaur eguerdian (13:00) aurkeztu dute
Txapelketa eta abenduaren 17ra bitartean nazioarte mailako 10 xakelari arituko
dira lehian. Partidak Kultur Etxeko hitzaldi gelan jokatuko dira 16:00etatik
aurrera.
Oleg Korneev errusiarrak 5 bider irabazi du
Txapelketa
Aurten ere Oleg Korneev izango da txapela
janzteko faborito nagusia. Errusiarrak 5 aldiz irabazi du Elgoibarko Torneoa,
iazko garaipena barne. Bera izan da 16 urtean garaipena errepikatzea lortu duen
xakelari bakarra. Korneev, gainera, sasoiko iritsi da Elgoibarrera, aurten
makina bat txapelketa irabazi ditu-eta: Coria del Rio, Santa Coloma de Queralt,
Benasque eta Sestaoko txapelketak, besteak beste. 2657 ELO puntuazioa du maisu
handi errusiarrak.
3 euskaldun eta 15 urteko xakelari bat
Faboritoen multzoan sartzekoak dira baita ere,
Azerbaiyaneko Azer Mirzoev eta Eric Prie frantziarra. Lehenak Deustuko
Nazioarteko Txapelketa irabazi du eta bigarrena Frantziako txapeldunordea da. Claude
Landenbergue suitzako txapeldunarentzat Elgoibarrera etotzen den lehen aldia izango da, baina bere maila ematen saiatuko da.
Hauen
atzetik kokatzen dira faboritoen zerrendan 3 parte hartzaile euskaldunak: Mario
Gomez (Euskadiko Txapelduna), Iñigo Argandoña eta Santiago Gonzalez. Mario
Gomez santurtziarrak badaki Elgoibarren irabaztea zer den eta hau ere sasoiko
dabil, Leoneko Nazioarteko Irekia irabazi berri baitu. Espainiarrei dagokionez,
aipagarria da Ivan Salgado galiziarraren partaidetza, 15 urte besterik ez
baititu. 14 urtez azpiko Munduko Txapelketan 4. postuan sailkatu zen.
XVI. Elgoibarko Nazioarteko Txapelketa (Parteideak)
1-Oleg Korneev (Errusia)
2-Azer Mirzoev (Azerbayan)
3-Eric Prie (Frantzia)
4-Manuel Perez Candelario (Espainia)
5-Mario Gomez (Euskadi)
6-Claude Landenbergue (Suitza)
7-Ivan Salgado (Espainia)
8-Iñigo Argandoña (Euskadi)
9-Santiago Gonzalez (Euskadi)
10-Tatiana Kononenko (Ukrania)
|
Ez da lehenengo emakumea
Ramón Múgica 2006-12-11 15:34:36
1993 urtean Malina Nicoara frantziarrak parte hartu zuen Nazioarteko Xake Txapelketan. Beraz, Tatiana ukraniarra ez da txapelketa honetan lehenengo aldiz parte hartzen duen emakumea.
1993 urtean Gilberto Milos brasildarrak irabazi zuen eta Malina Nicoara frantziarrak ez zuen txapelketa on bat burutu, azkena gelditu bait zen sailkapen orokorrean .
Ramon Mugica | Akatsak zuzentzen
elgoibarren.net 2006-12-11 17:45:20
Mila esker Ramon Mugicari. Zuzendu dugu jadanik albiste honetan oker zegoen informazioa. | partidak
E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu.
2006-12-14 17:49:42
zergatik ezin dira partidak ikusi | partidak ikusi daiteke
Ramon Mugica 2006-12-15 13:32:10
Edonork ikusi ditzake partidak, zuzenean, 17:00etatik aurrera, Kultur Etxeko hitzaldi gelan (bigarren solairuan). Bihar, larunbata, bi jardunaldi jokatuko dira, goizez 10:30etatik aurrera eta arratsaldez 17:00etatik aurrera. Igandean emango zaio amaiera txapelketari eta sari banaketa 20:00etan izango da.
Partidak nola joan diren, sailkapenak eta abar www.xake.net helbidean ikus ditzakezue. |
Komentarioak egiteko izena eman behar duzu. Sartu hemen
|
