 Danobat, IMH eta Udaleko ordezkariak Bilbon.
Zilarrezko Bikain, euskararen ziurtagiri ofizialak jasoko dituzte gaur
(azaroak 10) Elgoibarko bi erakundek, IMHk eta Danobatek, Juan Jose
Ibarretxe lehendakariaren eskutik; Bilboko Guggenheim museoan 19:30etik
aurrera egingo den ekitaldian. Erakundeetan euskararen presentzia,
erabilera eta kudeaketa ebaluatu eta zertifikatzeko sistema da Bikain,
Eusko Jaurlaritzak luzatzen duen ziurtagiri ofiziala.
Aurrez finkatu eta jakinarazitako irizpideak aplikatu ondoren, 30 izan dira aurten -ekimenak lehen ezarpen-urtea duen honetan- ebaluatzeko aukeratu diren erakundeak. Hauen perfilari dagokionez, 8 industria-sektorekoak dira, eta 22, berriz, zerbitzu-sektorekoak.
 Edurne Bilbao (IMH), Alfredo Etxeberria alkatea eta Jesus Mari Astigarraga (Danobat) |
 Bikain ziurtagiriak jaso zituzten erakundeetako ordezkariak Ibarretxe lehendakariarekin. |
IMHk iaz proba pilotuan parte hartu zuen, beste 8 erakunderekin batera. Eusko Jaurlaritzak, egindako lana eskertzeko ekitaldia antolatu zuten Bilbon joan zen abenduaren 17an. Bertan, Bikain ziurtagiria aurkeztu zuen lehendakariak. Goiko argazkian ageri dira, hain zuzen ere, Bikain ziurtagiri berriaren lan prestaketan parte hartu duten 9 enpresen ordezkariak, eta hauen artean, Joxean Egaña (ezkerretik lehena), IMHko zuzendaria.
- Honako enpresek parte hartu zuten ekimenean: eika, elay, elkargi, eroski, euskaltel, goiena, grupocegasa, imh, iza-matia fundazioa.
|
IMH Ingenieritzan ere bai?
GoraBihotzak 2008-11-12 23:50:59
Ingenierizan gaztelera inposatzen da. Bertako ikasle euskaldunei, gai batzuk gazteleraz ematea inposatzen zaie. Ingenieritzatik beti zabaldu omen dute inor baino euskaldunago direla, baina hori praktikan jartzean, ez da horrelakorik gertatzn. Argazki gutxiago, eta ekintza gehiago mesedez! | IMH Ingeniaritza Eskola
IMH Ingeniaritza Eskola 2008-11-17 16:09:41
IMH Ingeniaritza Eskolaren helburu nagusietakoak dira ingeniari kualifitatuak prestatzea, enpresei zerbitzua ematea eta, orohar,gizartearen
beharrei eta nahiei erantzutea. IMHk euskara plana abiatu zuenean erabaki zuen formazioa euskaraz ere emateko pausoak ematea eta Ingeniaritza Eskolari dagokionez duela 3 urte hasi zen ikasgaiak euskaraz ere eskaintzen, urtero euskara ikasgaien ehunekoa gehitzen. Enpresen eta gizartearen beharrari erantzunez IMHko estrategiak dio teknikari eta ingeniariak eleaniztasunean prestatuko dituela eta IMHko Hizkuntza Politikak dio euskaraz ikasi nahi duten Ingeniaritzako ikasleak 3 hizkuntzatan prestatuko dituela (euskara, gaztelera, inglesa). Urtetik
urtera beraz euskaraz ikasteko aukera handitzen doa eta helburua izango da promozio guztiek %60 euskaraz ikasi ahal izatea 2015, nahiz eta lehenago iritsiko garen helburura. Azkenik,azpimarratu nahi dugu Ingeniaritza, Eskolak baduela konpromiso sakona euskararekin eta planteamendu serioak dituela bertan dauden euskaldunen eskubideak eta nahiak betetzeko. Oraindik orain bidean gaude eta etorkizuenan guztiz bermatzea dugu helburu. |
Komentarioak egiteko izena eman behar duzu. Sartu hemen
|
