Elgoibarko Udalak aldi bereko itzulpenak egiteko sistema instalatu berri du Udaletxeko Pleno Aretoan. Bihar, urriak 30, egingo den Plenoan erabiliko da estreinakoz. Hasiera batean behinik behin, Osoko Bilkuretan baino ez da erabiliko aldi bereko itzulpen sistema berria.

 

  Plenoetan euskara gehiago
 Sistema honen helburua da Plenoetan euskararen erabilera handitzea. Horri esker, zinegotzi euskaldunek euren jardunak euskaraz egiteko aukera izango dute, eta aldi berean, euskaraz hitz egiten ez dutenek esandakoa ulertzeko aukera izango dute.
  Bat-bateko itzulpenak egiteko sistema instalatzeko 25.000 euroko aurrekontua onartu zuen Udalak. Itzultzaileak bere gelatxoa izango du, mahaia eta ordenagailuarekin eta pantaila bat ere.

 

 

 

 

---

Notizi honen berri emateko