Santos astoak sei gizon puska baino indartsuagoa dela erakutsi zuen azken zapatuko ferian egin zen norgehiagoka ikusgarrian. Lagun Artea herri kirol  taldeko sei gizonek baino zortzi plaza eta erdi gehiago egin zituen Otsourtia baserriko astoak, 500 kiloko harria arrastan eramanez. Herritar mordoa bildu zen desafioa zuzenean jarraitzeko.

• Sei gizon astoaren kontra arituko dira zapatuan
  

500 kiloko harria airean zeramaten gizonek, baina ezin astoaren lana berdindu. Argazkiak: Aitor Zabala.

 Otsourtia baserriko Inaxio Zubizarretak ia urtea egin zuen Santos astoa prestatzen, eta esfortzuak bere fruituak eman zituen. Nafarroa plazan atondu zuten probalekura ateratzen lehena astoa izan zen eta Santosek aise egin zituen plazak bata bestearen atzetik. Hogei minutuko lanaren amaieran 68 plaza eta erdi eta lau metroko marka ezarri zuen.
Gizonak astoaren lana hobetzeko asmoarekin atera ziren plazara, baina lan zaila zuten, astakeria ez esatearren. Lan eskerga egin zuten arren, 60 plaza eta lau metrotan mugitu zuten 500 kiloko arria, astoak baino zortzi plaza eta erdi gutxiago, alegia.

 

 

 

 

---

Notizi honen berri emateko