Anbolo loritoa 1993ko argazki batean.

 

Ego-Toki Elkarteko ikur zen Ambolo loroa hil zen barixakuan (irailak 12). Juanito Legarzak ekarri zuen Gineatik, eta Ego-Toki elkartearen sorreratik, duela mende erdi, bertan bizi izan da Ambolo; herrian horren estimatua zen loritoa. Animalia disekatzeko asmoa dute elkartekoek.

• Ambolo eta biok (Alua mundua! Hasier Etxeberriaren bloga)
  

 

  50 urtetik gora zituen

Bizilekua: Anbolo kaiola barruan, Ego-Toki elkarteko balkoian.

Azken aldian ohi baino isilago zebilen Ambolo. Zahartuta eta gaixorik zegoen, 50 urte baino gehiagoko animalia bati dagokion moduan. “Ia itsututa zegoen eta isil isilik, ezer egin gabe pasatzen zuen denbora azken aldian” dio Txomin Iribarren Ego-Toki elkarteko presidenteak.

San Frantzisko kalea gurutzatzen zuten herritarrei zuzendutako hitz goxorik eta txistu hots zaratatsurik ez zuen jadanik apenas egiten. Ezta bazkideei entzutetik ikasi zituen berba haiek ere: "¡Borracho!, ¡Borracho!", “Aupa el Elgoibar” edo norbait jaikitzen zenean “ya has pagao” modukoak. Txistuka hasten zenean balkoira atera behar izaten zuten. Ziur ibiltari despitatu bat baino gehiagoren egoa asebete dutela Anboloren txistukada lizunek.

 Gineatik ekarri zuten 
  Gineatik ekarri zuen 1957 urte inguruan Juanito Legarzak Ambolo (Kaixo esan nahi du) izeneko loritoa. Bazkideak ziur-ziur akordatzen ez badira ere, soziedadeak beste edo urte gehiago dauzka, 1958an sortu baitzuten Ego-Toki.

Loritoa zaintzeko diru kopuru bat ordaindu izan dute urtero bazkideek.

 

 Elkarteko maskota eta jatun ona
  Denetarik jaten omen zuen Anbolok, patatak eta urdaiazpiko zatiak ere bai eta bazkideek diotenez, “txanpaina ere erango leuke honek emanez gero”. Ambolo elkarteko maskota bihurtu zen eta elkarteak antolatzen zituen ekintza guztietako logotipo bezala jartzen zuten. Mugerza krosa irabazi duten antxintxikari askok edukiko dute loritoaren irudia zeraman garaikurra etxean. Munduko atletarik onenak pasa dira Ego-Tokitik eta denek izan zuten Ambolo ezagutzeko aukera. Amboloren heriotza galera handia izan da bazkideentzat eta beste loro bat ekartzeko aukera ere aztertzen ari dira. Momentuz, loritoaren ohoretan dolu-zingola beltza jarri zuten Amboloren bizilekua izan zen kaiolatik zintzilik, herritarrek animalia ezagunaren heriotzaren berri izan zezaten.

 

  Ego-Toki elkartek 50 urte

 

  1958. urtean bi koadrila, “Desastre” eta “Danok bat”, elkartu eta “Sociedad Athletica Ego-Toki" sortu zuten. Izenak izen, hasieran elkarte gastronomikoa besterik ez zen izan. 1963. urtera arte ez ziren Juan Mugerza krosaz arduratzen hasi. Ordurarte Klub Deportiboak antolatzen zuen Memoriala.

 

 

 

---

Notizi honen berri emateko