David eta Hector Garrido, pegatinen egileak. Argazkia: Jabi Leon.
Txiki egunean zeresana eta harridura sortu zuten Madalako petrilaren
irudia, eta berau salbatzeko lelo ezberdinak (hiru hizkuntzatan)
zituzten pegatina bitxiek. Jende askok zeramatzan paparrean, baina
inork gutxik zekien nork edo zer asmorekin atera zituen. Besterik uste
izan arren, -petrila botatzeko dagoen asmoaren aurkako kanpaina
zela-edo- Hector eta David Garrido anaiek Madalako petrilari
eskainitako omenaldia izan zen.
Argazkia: Jabi Leon.
Istorio honen abiapuntua
Madala ingurua oinezkoentzako egokitzeko proiektuan dago, Udalaren proiektuak bertan dagoen petril ezaguna botatzeko aukera aurreikusten baitu. Asmo horren berri izan zutenean Garrido anaiek (Hector eta David) zerbait egin behar zutela erabaki zuten, “
noiz edo noiz denok eseri baikara herrian horren ezaguna den petrilean”. Petrilaren inguruan ginkana bat edo Mauxitxa txarangak gauerdiko kalejira bat egin zezakeela bururatu zitzaien (biak dira Mauxitxako kideak). Bonbilla piztu eta Petrilaren aldeko pegatinak ateratzea erabaki zuten, ordea. “
Errezena zela ikusi genuen eta jendearekin hartu emanetan aritzeko aukera ematen zigun” dio Hectorrek. Esan eta egin. 800 pegatina egin zituzten, guztiak Madalako petrilaren irudiarekin eta hiru hizkuntzatan: euskaraz, gazteleraz eta ingelesez. Noiz banatuko zituzten ere argi zuten, “
Txiki egunean izan behar zuen, egun horretan ordu hil mordoa pasatakoak baikara petrilean eserita, zain”. Txiki egunean bertan amaitu zituzten pegatinak Ander Sanchezen laguntzaz eta ordu gutxitan, eta oraingoan Mauxitxa txarangako kideen laguntzaz, denak banatzea lortu zuten. “
Alkateak berak ere bat zeramala esan digute”.
Askok Madalako petrila ez botatzeko kanpaina bat zela pentsatu zuten, baina Garrido anaiek ez dela horrelakorik egon ziurtatzen dute, “
petrilari egin nahi izan diogun omenaldi xumea izan da”
Datorren urterako beste burutazioren bat prestatzen hasiak ei dira, “
ziurrenik txarangarekin zerikusia izango du, berrogei urte beteko baitira Mauxitxa txaranga Txiki eguneko kalejirarekin hasi zela”.
Pegatinen leloak
Lau pegatina ezberdin atera zituzten garridotarrek: bi gazteleraz, euskaraz bat eta beste bat ingelesez.
|
Izugarria benetan...
Ernat 2008-09-11 13:02:26
Bi artista hauen lanak elgoibarko gazte eta ez hain gazte zirenak mobilizatzea eragin zuen.
Beraien lana (eta txarangako gainontzeko partaideena ere) goraipagarria izan zen.
Ikusten da, elgoibartarrok zenbat maite dugun gure petrila. Zenbat ordu, zenbat zapatu, zenbat lagun...petril horrek historia propioa dauka eta kentzeak, historia horren amaiera erangingo luke.
Horregatik, SAVE THE PETRIL! |
Atzo
Ander 2008-09-11 13:09:09
Atzo arratsaldian bertatik pasaeran jende mordo bat ikusi naban petrilian jarrita. Zahar eta gazte. Zeozekin ordezkatu biharko dabe, ba. |
Pasarela Petril
Ion 2008-09-13 14:24:51
Benetan desfile asko ikusi ditu Malako petrilak, gaztetan hamaika ordu pasa genitun han jarrita, lekurik zegoenenan behintzat.
Pixkat harritu egiten nau petrila kentzeak askoz ere kontrako iritzi gehiago ez jasotzeak. Hemen nirea. |
