2008ko San Bartolome jaiak aurkeztu ditu prentsaurrekoan Udalak. Hona hemen aurtengo jaietako egitaraua, jarduera berritzaileenak nabarmenduta. Malako Jai Batzordeak ere bidali digu Gune Askeko egitaraua. Jaiek 230.000 euro inguruko aurrekontua izango dute.

• Mausitxa baserriko Rosa Mari Salegik botako du San Bartolomeetako txupinazoa
  

Jarduera Berritzaileak: (agenda osoa beherago)

24 Domekia (San Bartolome Eguna)
18:30 Zaldien dantza ikuskizuna, Plaza Txikian.
23:00 Iñigo magoaren ekitaldi bikaina, Plaza Handian

25, astelehena (Txiki Eguna)
18:30 Zezen eta betizu enbolatuen erakustaldia errekortatzaileekin eta oztopo jolasekin. Iñigo Cearsolo Kultura zinegotziaren berbetan, “erakustaldia egiten dugun bigarren aldia da, eta ea ekintza hori indartzeko modurik daukagun".

27, eguaztena (Jubilatuen Eguna)
12:00 Hegaluzearen dastaketa Nafarroa plazan. Hegaluze bat zozketatuko da eta pintxo bakoitza eta sagardoa, 2 euroren trukean izango dira.

29, barixakua (Gazteen Eguna)
12:30 Goitibehera jaitsiera Azkue (San Roke) auzoan. Ondoren, kart erakustaldia, KZ2 kategoriako autoekin.
Ikusle eta parte hartzaileen segurtasuna bermatzeko, erabat debekatuta egongo da entrenamenduak egitea eta “neurri zorrotzak hartuko dira araua betetzen ez dutenekin” aurreratu du Kultura zinegotziak.

30, zapatua (Baserritarren Eguna)
11:00 XXVII. Gazta Lehiaketa eta Salmenta, Nafarroa plazan. Antolatzailea: Kalamua elkartea
12:00etan eta 18:00etan  kantu kalejira Bentazaharreko mutiko alaiekin.
Plaza txikian jarriko duten karpa handia ere berrikuntza izango da. Karpa erraldoiak (50 x 15 metro) Plaza Txiki osoa estaliko du ia, zuhaitzetatik hasita.

  Musika arratsaldero
Arratsaldero musika jarriko da kaleetako giroa alaitzeko. “Ahalegin berezia egin da ekitaldi hau burutzeko”  azaldu dute Udal arduradunek. Arratsaldeak “hilda” zeudela konturatu ziren eta 18:30ak 21:00ak bitarteak herriko kaleak alaituko dituzten musikariak ibiliko dira kalean gora eta behera egunero, ordu horietan.

  Giza dorreak debekatuta
Debekatuta dago giza dorreak egitea eta toki garaietatik jauzi egitea. Urtero egin ohi duten moduan jaiak gizalegez bizitzeko hainbat aholku zabaldu ditu Udalak eta dorre eta jauzien debekua eta arriskua azpimarratu nahi izan du alkateak.

  Sokamuturra guztiak Madalatik aterako dira
Abuztuaren 25ean (astelehena), 27an (eguaztena) eta 29an (barixakua) izango dira aurtengo sokamuturra egunak. Hortaz, eta domekan ez dagoenez sokamuturrarik, guztiak Madalatik aterako dira. Zezenketen inguruko arautegi berriak (ikus, sokamuturra arautu nahi du Jaurlaritzak) ez duela eraginik edukiko baieztatu du Etxeberriak, “orain arte moduan egingo dira” baina 14 urtetik beherakoek erabat debekatuta izango dute sokamuturrean parte hartzea.

 

 Barrakak
Barrakak Leku Ederren eta Aita Agirre plazan kokatuko dira. “Aurten ere ahalegin oso handia egin da barrakak ekartzerko” adierazi du Alfredo Etxeberriak. Etorri behar diren barrakak oraindik ez daude denak zehaztuta, baina iazko ildo berbera jarraituko dute, hau da:
  • Leku Eder:

• Baby-a edo tiobiboa
• Ohe elastikoak
  
• Auto txoke pista txikia
• Miniscalestric-a: Juan Luis
• Txiki parkea: konfirmatu gabe

  • Caixa Catalunya aurrean:

• Igela
• Tiro-pitxoia
• Helduentzako eltzea

 

 

 

 

 

 

 

---

Notizi honen berri emateko