Arrate Zubia, eserita eskumatik lehena.

 

Aurreikuspenen arabera, gaur edo bihar (uztailak 23) egingo dute gailurra Elbrus espedizioan parte hartzen ari diren Marimendi taldeko 20 emakumeek. Beraiekin da Arrate Zubia elgoibartarra. Europako mendirik garaiena da Kaukaso mendikateko Elbrus mendia (5.642 m.).

   

  Uztailaren 15ean atera ziren Marimendiko kideak Loiuko aireportutik Moskurantz. Handik Mineralnye Vodira egin zuten, eta azkenik, Kabardino Balkariako Errepublika autonomora ailegatu ziren.
  Euskal Herriko lagun eta familiartekoekin e-posta bidez komunikatzeko asmoa zeukaten, baina ezintasunaren aurrean, mugikorrez bidalitako mezuen bitartez eman dute espedizioaren berri, egunez egun.

• Lehen egunak ingurura eta altuerara girotzen eman zituzten. Hala, uztailaren 17an, Cheguet (3.461 m.) mendia igo eta gailurretik Elbrusen handitasuna parez pare lehen aldiz ikusteko aukera izan zuten.
• Hurrengo egunean, uztailaren 18an, girotzearekin jarraitu zuten Baksan-eko aranean.
  
• Elbrusen magalean dagoen Garabashi (3.750 m.) eski estazioko tontorra zapaldu zuten hilaren 19an, eta astelehen honetan Pastukov (4.650 m.) mendia igotzeko asmoa zeukaten.
• Gaur edo bihar, berriz, Elbrus igotzeko saiakera egiteko asmoa dute. Azken igoeran, 1.700 metroko maldari egin beharko diote aurre. Hotza izango da mendizaleen arerio eta beldur nagusia; hotz handia badago, 200 metroko pareta izoztu egiten da-eta. Orain dela bi urte Madalena Egunean (uztailak 22) ailegatu ziren Mont Blanceko tontorreraino lau bide ezberdinetatik abiatuta, eta aurten ere egun horretan ailegatzea gustatuko litzaieke.

      • Marimendiren web gunean daukazue Elbrus espedizioaren inguruko informazio guztia

  ∞ Lotura duten albisteak:

• Arrate Zubia: “Emakumeei animatzeko esaten diegu hitzaldietan” (2008-03-07 elgoiBARREN.net)
• Elbrus, Europako gailurrik altuena izango da Marimendi taldeko emakumeen erronka berria (2008-02-25 elgoiBARREN.net)

 

 

---

Notizi honen berri emateko