Euskadiko hirugarren BTT Zentroa, Gipuzkoako lehena, inauguratu dute Mintxetan, bertan egongo baita Debabarrenako BTT zentroaren harrera tokia. Helburua, turismoa eta natura uztartzea da ingurune paregabe batean. Hamalau ibilbide ditu zailtasunen arabera markatuak.

Inaugurazio ekitaldian honako agintariak izan dira: Ana Agirre Eusko Jaurlaritzako Industria, Merkataritza eta Turismo sailburua; Irune Berasaluce Debegesako presidentea eta Alfredo Etxebarriak, Elgoibarko alkatea. Lehenik, prentsaurrekoan, Debabarrenako BTT zentroari buruzko informazioa eman dute (laster igoko dugu bideoa). Ondoren, ohiko aurreskua eta zinta mozketa egin eta gero, Kirol Udalekuetako umeak eta zenbait begirale ibilbide labur bat egitera abiatu dira bizikletaz. Agintari, kazetari eta gainontzekoek, berriz, hamaiketakoa egin dute.

Zentroaren harrera tokia bisitatzeko aukera ere izan dute bertaratutakoek. Laranja kolorekoa da, igerilekuen sarreran dago, orain dela bi egun inauguratu zuten tenis pistaren azpian. Hain zuzen, a + b arkitektura (Fernando Ansola eta Jon Bastida) bulego elgoibartarra arduratu da ingurune honen diseinuaz, alegia, tenis pista, BTT zentroa eta uda eta gero eraikiko dituzten bi padel pistak egiteaz.

Aurrekontua: Debabarrena BTT Zentroak 180.000 euroko aurrekontua izan du.

 

BARREN astekariak ere erreportajea eskaini dio BTT Zentroari 663. zenbakian.

• Ikus hemen: Mendian gora (BARREN pdf) 

  ∞ BTT Euskadi Zentroen web orrialdea: centrosbtteuskadi.com

Inaugurazioko argazkiak

Mintxetako futbol zelaian jarritako karpan eman dute prentsaurrekoa.	Ezkerretik hasita, Irune Berasaluce, Ana Agirre eta Alfredo Etxeberria.
Agintariaok zentroaren aurrean.	Bizikletak alokatzeko aukera dago zentroan.
Fernando Ansola eta Jon Bastida, arkitektoak.	Erakustaldi bat ere eskaini dute gazteok.
Ibilbideetako bat probatu dute gaztetxoenek.

 

 

 

 

 

 

---

Notizi honen berri emateko