“Oinarrizko gramatika” liburua plazaratu du Andres Alberdi Elgoibar BH Institutuko euskara katedradunak. Berez, 1996an argitaratu zen Eskola gramatikaren egokitze, eguneratze eta garatze bat egin du EIMA programarako lanean ari den irakasleak. Felix Ibargutxi kazetariak Diario Vasco egunkarirako egin dion elkarrizketan azaldu duenez, “orain erronka nagusia sintaxian dago: nola uztartu ahozko eta idatzizko moldeak”.

Egilea, Oinarrizko gramatika liburua eskuetan duela.

Andres Alberdi Gorostiagak (Getaria, 1950) 1973tik, irakasle-lanetan jardun da Elgoibarren, ikastolan eta institutuan. Institutuko euskara-katedraduna da 1982tik. Elgoibarko Euskara Mintegiarekin, Bigarren Hezkuntzako Euskara eta Literatura irakasgaiko hainbat ikaslibururen egilea. 2000. urtetik, Eusko Jaurlaritzaren Hezkuntza Saileko EIMA Programako (Euskal materialgintza) hizkuntza-adituen koordinatzailea da.
Egilea eta argitaletxea beraren (Elkar) ustez, eskola mundutik aparte ere baliagarria izan daitekeen liburua da Oinarrizko gramatika, “egokia izan daiteke gramatikaren beharrean denarentzat: irakasle, euskaltegiko ikasle, jakin-mina duen euskaldun arrunt”.

• Ikus hemen elkarrizketa osorik: "Denok izaten dugu zalantza 'haren', 'bere' eta 'beraren' noiz erabili" (diariovasco.com)

Argazkiak: elgoibarren.net eta Felix Morquecho (DV)

 

 

 

 

---

Notizi honen berri emateko