30 urte baino gehiagoko 50 auto jarriko dituzte ikusgai zapatu honetan (uztailak 12) Lerun jatetxearen aparkalekuan egingo den estreinako Auto Klasikoen Erakusketan. Horietako hiru auto bi elgoibartarrenak dira, gainera. Herriko kaleak ere zeharkatuko dituzte, eta amaieran, sari banaketaren ostean, haurrentzako magia ikuskizuna ere antolatu dute antolatzaileek.

 

Gillermo Iraegi bere Mercedesa eta Jeep-aren artean, eta Paco Garcia gasteiztarra bere Austin Vander autoarekin.

Araba Clasic Club Gasteizko auto klasikoen elkarteak antolatu du Auto Klasikoen I . Erakusketa, Lerun jatetxearen babesarekin. Guztira 50 bat auto klasiko inguru batzea lortu dute estreinako erakusketarako. Gehienak Araba Clasic Clubeko kideen autoak dira, baina auto klasikoen jabe diren elgoibartarrik ere izango da. Gillermo Iraegik ziurrenik bi auto eramango ditu: Bi lekuko Mercedes 190a (1960koa) eta Jeep bat (AEBtako armadarentzako 1942an sortutakoa). Josemi Gabilondok, berriz, rally eta auto-igoeretan parte hartzeko erabiltzen duen Renault Alpinea eramango du.

Horiez gain, beste hainbat auto ikusgarri egongo dira erakusketan. Besteak beste, Austin Vander Plas Princess DM4 (1964. urtekoa), Citroen Pontom, Ford GTV, Rolls Royce Silver Wraith II, hainbat Mercedes eta zenbait auto ingeles eta amerikar. Denak zaharrak, -orain dela 30 urte baino gehiago sortuak-, baina jabeen mimo, maitasun eta diruari esker lehen eguneko distira mantentzen dute ia. Lau gurpil gainean dabiltzan harribitxiak.

 • Egitaraua:

• 10:30 – 11:45 Auto klasikoen ailegaera Lerun jatetxeko aparkalekura.
• 11:45 – 13:45 IMHko Erreminta makinaren museoa ikustera bisita gidatua eta herriko kaleetatik itzulia. Ibilbidea: Txarriduna, IMH, San Roke, Trenbide kalea, Usua, Plaza Handia, San Bartolome, Plaza Txikia, Nadala eta Lerun.
• 13:45 – 18:00 Autoen erakusketa Lerun jatetxeko aparkalekuan.
• 16:00 Sari banaketa
  -Autorik bereziena
  -Autorik dotoreena
  -Autorik zaharrena
  -Kirol-auto onena
  -Hobekien zaharberritutakoa
  -Elgoibarrera iristeko distantzia luzeena egin duena
• 16:30 Haurrentzako magia ikuskizuna eta umeentzako ezustekoak

Gillermo Iraegi elgoibartarra Mercedes 190 autoarekin.	Orain dela 48 urteko luxua.
Paco Garcia gasteiztarra Austin Vander Princess DM4 ikusgarriaren ondoan.	1942ko Jeep-arekin

 

 

 

---

Notizi honen berri emateko