Bertsozaleek euren afizioaz gozatu, eta Euskal Herriko txoko guztietatik etorritako lagunak egiteko aukera bikoitza izango dute Euskal Herriko Bertsozale Elkarteak antolatutako bertso-udalekuan, Aubixa baserrian. Gainera, Udalak matrikularen %40a ordaintzeko laguntza emango du.

Egonaldi horien bidez, ongi pasatzeko (txangoak, kirolak, jolasak...), euskara lantzeko, bertsoekin gozatzeko, bertsolarien bisitak jasotzeko, elkar ezagutu eta lagun berriak egiteko parada izango dute 15-18 urte bitarteko gaztetxoek.

Hona hemen Bertsozale Elkarteak aurtengo udarako prestatu duen eskaintza:

• Adina: 15-18 urte
• Lekua: Aubixa baserria
• Egunak: uztailaren 10etik 19ra
• Ezaugarriak: Bertso afariak (Igor Elortza, Xabi Paya, Jokin Uranga, Amaia Agirre, Iñaki Viñaspre), kantaldiak, Mintxetan jokoak, kostaldera txangoa…
• Prezioa: Egonaldiaren prezioa 165 eurokoa izango da.
• Izena emateko epea: uztailaren 1ean bukatzen da.

  Dirulaguntzak
Elgoibarko Udaleko Euskara Batzordeak dirulaguntzak emango dizkie egonaldi horietan parte hartu nahi duten ikasleei. Horiek horrela, Udalak matrikularen %40a ordaintzeko laguntza emango du. Horretarako, gaztetxoek ordaindutako matrikularen egiaztagiria ekarri beharko dute Elgoibarko Udaleko Euskara Sailera uztailaren 10a baino lehen.

• Azkenik, izena eman edo egitasmo honi buruzko argibide gehiago jaso nahi dutenek harremanetan jarri beharko dute Elgoibarko Udaleko Euskara Sailarekin (Nafarroa plaza 3, 1. ezk; 943 74 43 66; E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu. ).

 

 

---

Notizi honen berri emateko