Irteera berri batekin gatozkizu oraingoan. Otzaurtetik Urbiarako bidea egingo dugu, Zegama-Aizkorri maratoiko 22 kilometrorik ederrenak zeharkatuko ditugularik. Otzaurten hasi, Aratz igo, San Adrianera jeitsi, Aizkorri eta Aitxuri igo eta ondoren Urbiara, Oltzeko zelaietan zehar. Bukatzeko Arantzazura jeitsi eta etxerako bideari ekingo diogu.

Sarritan entzun izan ditugu partehartzaileak laisterketa honen edertasuna goraipatzen. Oraingoan beraiek egiten duten bidearen zatirik ederrena beteko dugu, Aratz eta Aizkorriko gainak pasako ditugularik. Ibilbide honek gainera sahiesbide ugari ditu, hala nahi duenari bidea erraztuz.

• Noiz: Uztailaren 12an, zapatuan. Goizeko 8:00retan Plaza Haunditik.
• Iraupena: 7 bat ordu.
• Zailtasuna: **** Gogorra (Aratzetik Urbiara joateko aukera dago, Aizkorri igo gabe. Aizkorri igotzen duenak Atxurin zehar ibilbide originala egiteko aukera izango du edo Aizkorritik Urbiara jeitsi daiteke zuzenean).
• Prezioa: bazkideak 7€. Ez bazkideak 10€.

---

Notizi honen berri emateko