Espainiako selekzioaren kontzentrazioan parte hartzeko deia egin diote Ane Urain eskubaloi jokalari elgoibartarrari, bigarren urtez jarraian. IMH taldeko jokalariak uztailaren 1etik 8ra bitartean Sorian egingo den kontzentrazioan izango da.

Sanloko beste lau jokalari, berriz, Euskadi eta Gipuzkoako selekzioekin aritu dira.

 

 

Bestalde, bost elgoibartarrek Oñatiko Korpus eskubaloi txapelketan parte hartu zuten. Bertan, Garazi Osoro, Arantxa Ferreiro eta Abraham Bilbatuak Euskadiko selekzioa ordezkatu zuten, eta Gipuzkoakoa Ainhitze Etxeberria keta Lorea Gabilondok, azken honek entrenatzaile moduan.

Taldekideak: Ainara Arriola, Ainhoa Alberdi, Andrea Arregi, Elena Larreategi, Iraide Rovira, Maddi Mendibil, Nerea Cabo, Nora Kortaberria eta Sarai Alvarez.

 

Eskubaloi jokalari elgoibartarren arrakastak ez dira hemen amaitzen, izan ere, Eskola Kiroleko Gipuzkoako Eskubaloi Txapelketaren finala jokatu zuen, joan zen asteburuan, Usurbilen, Elgoibar Ikastolako Intxusarri taldeak (10-11-12 urte). Usurbildarrena urka jokatu zuten finala eta berdinduta amaitu ondoren, luzapenean doi-doi, gol bakar baten aldeagatik galdu zuten Cesar Arriolak entrenatutako neskek.

 

 

 

 

 

 

 

 

 

 

 

---

Notizi honen berri emateko