Bart eraman dute Madrildik Donostiara, Auzitegi Nazionalak espetxealdi arindua ezarri eta gero. 53 urteko preso elgoibartarraren osasun egoera larria da: minbizia dauka eta kimioterapia hartzen ari da.

 

 

 

 

Eitb24 agerkari digitalak eta askatasuna.org webguneak aurreratu dutenez, iragan barixakuan eraman behar zuten Ibañez Gregorio Marañon Ospitaletik Donostiara, baina Madrilgo erietxeko medikuek ez mugitzeko erabakia hartu zuten, horrek bere osasunean ondorio kaltegarriak eragin zitzakeela argudiatuta, Hori dela eta, Donostiako Ospitalera etorri ahal izateko idatzi bat sinatu behar izan du, bidaiak eragin ziezazkiokeen kalteen ardura bere gain hartzen zuela esanez.

 

Amnistiaren Aldeko Mugimenduak elkarretaratzea egin du 18:00etan Donostiako Ospitalearen aurrean eta Mikel Ibañez eta gaixotasun larriak dituzten gainerako hamaika euskal presoak kaleratzea eskatu du.

•  Ibañez baldintzarik gabe aske uzteko eskatu dute hainbat lagunek Donostian (berria.info)

 

 

---

Notizi honen berri emateko