Maltzagako Mahaia ekimenaren bultzatzaileentzat Soraluze, Elgoibar eta Eibar elkartzen dituen errepide zatia biribilgune bat baino zerbait gehiago da, egungo egoera politikoa islatzen duen sinbolo bat da. "Bidegurutze horrek oso ongi islatzen du gure herrian dagoen bidegurutzea".

Horregatik, Maltzagan kontzentrazioa deitu dute Burujabetza eta bakea. Herri-galdeketak lelopean hurrengo zapaturako, ekainak 14, eguerdiko 14:00etan.

Maltzagako Mahaikoek gogoan dute Telesforo Monzonek aukeratu zuela toki hura, eta orain biribilgunean elkartu nahi dute "ezberdin pentsatzen dutenekin". Autodeterminazioa eta burujabetza lortu arte, elkarren ondoan egoteko prest daudela agertu nahi dute zapatuko (ekainak 14) ekitaldi politikoan.

Oraingoz, ekimenarekin bat egin dute, besteak beste, Txomin Peillen euskaltzain osoak, Kepa Gordejuela HBko legebiltzarkide ohiak, Brian Currin nazioarteko gatazketan bitartekari hegoafrikarrak, Txaro Arteaga Emakundeko zuzendari ohiak, Agurne Barruso Bergarako alkate ohiak eta Eider Mendoza EAJko legebiltzarkide ohiak.

• Ekimenarekin bat egiteko aukera dago www.euskaria.eu webgunean.

• Maltzagako Mahaia
Maltzagako Mahaia orain dela bi hilabete inguru osatu zen, eta bere bi helburu nagusiak dira: bakea eta burujabetza.

• Maltzagako Mahaia abian da (euskaria.eu)
• Maltzagako Mahaia sortu dute hainbat abertzalek, "burujabetzaren aldeko estrategia adosteko" (berria.info)
  
• Maltzagako Mahaia sortu dute, "burujabetza eta bakea" helburu (eitb24)

---

Notizi honen berri emateko