Benantzio Otaegi (Azpeitia, 1943) 1993an iritsi zen Elgoibarrera, BARREN kaleratzen hasi eta hilabete gutxira. Bere iritzia jakin nahi izan dugu Gabonen inguruan eta, bide batez, bere ibilbidea izan dugu hizpide. Zuhurtziaz hitz egiten du, tentuz, lagun hurkoari errespetua galdu gabe eta kristau elkartearen balioa azpimarratuz. Urte askotan jarraitzeko asmoa du, Elizaren eta gizartearen zerbitzura.

Hamabi urte eskas zituenean sartu zen Udal Musika Bandan. Dagoeneko 50 urte pasatu dira baina ilusioz heltzen dio oraindik hainbeste zirrara eragiten dion afizioari. Lehenengo omenaldia jasoko du, merezitakoa. Lehena eta bakarra. Ez du gehiago nahi. Gazteei paso eman behar zaiela uste du. Banda ere hiru urte barru lagatzekotan omen da.

Jaiotzez Aretxabaletakoa izan arren, hamahiru urterekin iritsi zen Elgoibarrera. Bere jaioterrian baino euskara gehiago erabili beharko zuela esaten zion aitak, baina ez zen horrela izan. Berak euskaldun sentimendua gazte-gaztetatik darama pizturik bere barrenean eta euskararen alde lanean hastea erabaki zuen: gau-eskolan lehenik eta AEK euskaltegian ondoren. Osasunak laguntzen dion artean, euskararen munduan jarraituko duela aitortu digu.

Interneten bide zabaltzailetako bat dugu Luistxo Fernandez eibartarra. Duela 12 urte harrapatu zuen Luistxo sareen sareak, eta ordutik, makina bat ordu pasa ditu konektatuta. Bere pasioa ogibide bihurtzeko zortea ere izan du, Internet eremuan lanean ari den CodeSyntax enpresan ari baita beharrean. Bertan hartu gaitu eta elgoibarren.net-en lehen urteurrena aitzakiatzat hartuta luze eta zabal jardun dugu berbetan; Internetez, oro har, eta elgoibarren.net-ez, konkretuki. (Bideoa du)