Esango al diguzu zer egin behar duzun Aste Santuan? Aurtengo neguan aukera handirik egon ez denez, eskiatzeko plana egin al duzue?  Ala, elurrak eta hotzak ahaztu eta eguzki bila zoaz? Europako zein hiriburu bisitatu behar duzue zuek? Paris, Amsterdam, Erroma? Ala Marokora zoaz zu ere? Zein doa Andaluziara prozesioak ikustera? Eta, ba al dago Pirinioetako mendietan galtzeko asmoarekin irtengo denik?  Eta, irteera-itzulera operazioak ez sufritzearren, zenbat geratuko zarete etxe inguruan?  Egia al da bertsolari bati entzun geniona: “Aste Santuko oporretan?

Gaztiak Ibizara eta zaharrak elizara”

Atrebentzia handia ez bada, botaink!

Domekan KORRIKA gure herritik pasatuko dela aprobetxatuta, galderatxo bat egin nahi dizuegu: Herri euskalduna iruditzen al zaizu Elgoibar? Gure herria euskalduna dela begitantzen al zaizuen jakin nahi dugu. Gure nahia herritarron inpresioak jasotzea da. Adibidez, kanpoko lagunen batek Elgoibar herri euskalduna den galdetuko balizue, zer erantzungo zeniokete? Elgoibarko kaleak, lantokiak, ikastetxeak, kuadrillak, erakunde publikoak, .... euskaldunak al dira?  

Hona hainbat datu soziolinguistiko gure herria eta euskararen artean dagoen  lotura hobeto ulertzeko: