Fraser ibaiak delta zabala sortzen du Pazifikora hurreratu ahala. Lautada ikusgarriak eta ortuaria lantzeko lur gozoa. Richmond izeneko portura lagundu diot anaiari, arrain freskoa erostera.

Hiri zabala da Vancouver. Etxe eder sailak etengabeak dira gaur egun, orain dela 200 urte bertoko indigenak baino bizi ez ziren lekuotan.

New Westminster-en metroa hartu dugu. Down Town Vancouver aldera goaz kanadiar futbol partida bat ikustera.

Japonian musika kontuetan orojaleak direla argi gelditzen da honako bideo honetan. Euskal Herritik ateratako produktuak ederki dastatzen dituzte bertan, eta egia esan, ez da bertako pop doinuetatik gehiegi aldentzen. Argi dago "Telekantak" disko kuttunak bere fruituak eman dituela. Gora Japon!!

Irteera berri batekin gatozkizu oraingoan. Otzaurtetik Urbiarako bidea egingo dugu, Zegama-Aizkorri maratoiko 22 kilometrorik ederrenak zeharkatuko ditugularik. Otzaurten hasi, Aratz igo, San Adrianera jeitsi, Aizkorri eta Aitxuri igo eta ondoren Urbiara, Oltzeko zelaietan zehar. Bukatzeko Arantzazura jeitsi eta etxerako bideari ekingo diogu.

Goizealdeko 4 eta erdietan ohetik jaiki eta 5etan etxetik abiatu. 7etatik lasterrera hegoak jaso ditu gure hegazti erraldoiak. Hegoaren pare aldera jartzea tokatu eta paisaia ikusgarri batzuk gozatzeko zailtasunak; hegoak ez du paretik alde egiten eta komeni ere ez, egia esateko. Dena den, lainozko itsaso zuriaren gainean egin dugu Frankfurterako bidea. Eguzkitsu dago goi aldea.