Azpiarmonixak lagata http://www.elgoibarren.net Tue, 13 May 2008 10:38:15 +0100 FeedCreator 1.7.2 http://www.elgoibarren.net/index.php?option=com_content&task=view&id=926&Itemid=39 Esker txarrekoak gara gero, esker txarrekoak eta memoria gutxikoak. Kosta egiten zaigu atzera begiratu eta norbaitek behin egindako lana ikustea, baloratzea. Beti hor egon dela iruditzen zaigulako, inork inoiz lehen pausoa eman behar izan zuela oroitzen ez dugulako, akaso. Eta ez gara konturatzen bide beraren pausoak garela gu ere, aurrera baino begiratzen ez dugunak tamalez, atzekoaren beldur den ziklistak bezala. Thu, 08 May 2008 22:54:40 +0100 http://www.elgoibarren.net/index.php?option=com_content&task=view&id=889&Itemid=39 Asteburuan Valladoliden izan naiz Haritz dantza taldearekin dantzan. Bertako Euskal etxeak gonbidatuta, asteburu bikaina pasa dugu. Eta konturatu naiz, guretik urrun egonda euskaldun izaten jarraitzen dutenek sekulako meritua dutela. Diasporako euskaldunak, eutsi gogor! Wed, 23 Apr 2008 23:30:38 +0100 http://www.elgoibarren.net/index.php?option=com_content&task=view&id=862&Itemid=39 Azken asteotan hainbat eskutitz agertu dira Barrenen Elgoibarko urbanismoaren inguruan, eta nik ere bota nahi nuke nirea, ezjakintasunaren ausardiak bultzatuta. Fri, 11 Apr 2008 17:24:29 +0100 http://www.elgoibarren.net/index.php?option=com_content&task=view&id=813&Itemid=39 Euria ari du goian-behean, eta aspaldiko partez tontorrak zuritu ditu elurrak. Bukatu da negua eta hasi da udaberria. Baina, negua hasi da udaberria bukatuta. Berpizkunde-igandean ez da bizitzaren zantzurik nabari herriko kaleetan. Balkoi gutxi batzuk ikurriñez apainduta ageri dira, urtetik urtera gutxiago diren arren. Gurean ere amak jarri du goizean-goiz, lanera joan aurretik. Aberri eguna baita gaur. Hainbeste sentimendu sortzen dituen aberriaren eguna. Gorrotatuko dute batzuk, maitatu beste zenbaitek. Eta indiferentziaz igaroko dute eguna askok, gero eta gehiagok seguraski. Egun hau ere alderdien egun bihurtu baita, bakoitza herri batean elkartu eta betiko lau gauzak esateko. Herritarrok boto-emaile izateaz gain beste ezer izango ez bagina bezala! Gezurra dirudi horren herri txikian hain banatuta egotea. Goenkalen bezala, oilategia dirudi eta anaiak elkarri mokoka bizi dira. Behingoz elkartu beharko gara ordea denok, eta hitz egin beharrekoaz hitz egin. Negua luzeegi baitoa gurean, luze eta gogor. Udaberria berandu baino lehen ekarri behar dugu, esperantza hotzak izoztu aurretik. Pentsamendu txarrak sutan erre, eta denon artean sua itzal ez dadin saiatu, hurrengoek ere senti dezaten suaren epela. Bitartean, euripean gaudela, munduak aurrera jarraituko du. Hertzainak-en kantak dioen bezala: eurixa, hotza kalian, negu gogorra herri puta hontan; bizitzak emandako plazer txiki hauengatik ez balitz … Eta hala da, eskerrak oraindik badugun zertaz gozatua. Gauza txiki horietatik atera behar baitugu egunero aurrera egiteko indarra. Eta ez dakizue nolako plazera izan zen niretzat aspaldiko partez euripean eta ondo abrigatuta itzultzea etxera. Eta zapatila bustiak erantzi eta eguraldiaz kexatzea. Sekulakoa! Mon, 24 Mar 2008 22:20:20 +0100 http://www.elgoibarren.net/index.php?option=com_content&task=view&id=787&Itemid=39 Badakit ez naizela egokiena negar egiteko loari buruz, egunero 7:30etan jaikitzen bainaiz, eta ziur hori askori berandu irudituko zaizuela. Baina loguraz pasatzen dut eguna askotan, ikastolako leihotik begira, noizbehinka ixten diren begien aurka borrokan. Eta ez dut uste bakarra naizenik, hitzek baino gazteon goizetako aurpegiek adierazten dute gehiago. Wed, 05 Mar 2008 22:13:12 +0100