KARAKATERAKO XIV. IGOERA

Irteera: 11:00etan Plaza Handitik, frontoiaren frontisetik hain zuzen ere, eta 2,5 kilometroko igoera gogorrari egin beharko diote aurre, 700 metroko desnibela baitu probak.

Parte hartu nahi duen orok irteera egunean bertan eman dezake izena, Plaza Handian. Ez dago derrigorrez antxintxika egin beharrik, ez zaitzatela kokildu beste batzuek egiten dituzten denborek. Gero, gainera, bazkarian parte hartzeko aukera izango duzue parte hartzaile guztiok. Hortaz, animo!

Aurten irabazleek sari ederra izango dute: Mausitxaren laguntzari esker, beraien etxeko etiketa beltzdun gazta eta ardo botila bana. Sarituak lehen sailkatua, lehenengo neska eta lehenengo elgoibartarra izango dira.

Besteoi proba ikustera eta animuak ematera joateko gonbitea luzatzen dizuegu, korrikalariek eskertuko dituzte-eta! Aurten beste urteetan ez bezela 10:00-etan denok elkarrekin igo ahal izateko aukera izango dugu.

Igoerako informazio gehiago lortu nahi duenak: errekorra, historiala, azken irabazlea, etab. luze bat, http://www.morkaiko.net/karakatekoigoera.asp helbidera joan besterik ez dauka.